原住民觀點看牡丹社事件 展無仝角度臺灣史

百五冬前的牡丹社事件,佇過去的歷史課本,真少用原住民的觀點來呈現。這陣有民間業者佮學者,用三冬時間走訪部落調查,整理口述內容等等辦展覽,希望外界用無仝的角度思考歷史。

用圖片佮資料呈現150冬前牡丹社事件了後清朝的統治痕跡,親像恆春城、鵝鑾鼻燈塔等等。有民間業者佮學者、公部門等等合作,經過三冬的地方調查,用原住民的觀點做主體,用展覽來講牡丹社事件。

歷史顧問 游智勝表示,「事件的主角牡丹社人的觀點,咱大概真少會去談。所以咱會疏忽這个情況。咱這个展覽是希望盡可能去收集當地的研究佮口述歷史。」

歷史學者表示,牡丹社的相關資料真濟攏是日本、台灣的研究,欠缺原住民的角度,IN透過耆老的訪談等等、希望將牡丹社後輩的觀點,按怎佇事件後佮琉球人共生以,猶閣祖先捍衛家園的精神,呈現予外界知影。

歷史顧問 游智勝表示,「詮釋抑是理解講為啥物當初高士佛社,欲共琉球的漂民愛共殺掉的情況。按怎去佮遮的予刣掉的遮的琉球遺族,按怎去做和解。」

主辦單位也表示,希望外界通透過展覽,體會過去準無聽著的在地聲音,也對無仝角度思考牡丹社事件的意義。展覽佇華山文創園區展到六月初八,紲落來會轉去屏東展出。

全台敬老金大調查

相關新聞