台語台眯電影比賽 "小明的學習單"奪上大獎

臺語台第二屆眯電影創作比賽,今年有百外件作品來比,今仔日頒獎,計共有7項大獎,首獎佮20萬獎金頒予《小明的學習單》,鬥陣來欣賞優秀的母語作品。

知名製作人湯昇榮宣布:「眯電影今年的首獎是《小明的學習單》。」

第二屆臺語台眯電影創作比賽,對百外件作品徵選21件入圍,其中《小明的學習單》用三分鐘影片呈現囡仔人佇學習過程中,佮阿公阿媽自然的感情、得著評審的肯定,提著今年的上大獎。

知名製作人湯昇榮講:「我感覺伊有淡薄仔趣味,也有淡薄仔溫暖,也有淡薄仔臺語的溫度佇內底,我感覺是伊會當佇濟濟作品中出眾的原因。」

另外這部,台語鹿ê臺語路-鹿仔有幾隻,也予評審選做台語特優獎。用尪仔冊的鹿仔佮花條馬,來探討臺語,表現出議題性。
李江却台語文教基金會執行長陳豐惠表示:「臺語的過去參這馬的一寡問題有點出來,有咧講咱台灣文史,這个語言等等遮的代誌。」

評審之一的陳豐惠表示,透過臺語微電影的徵選,予逐家了解語言毋但佇生活中,嘛參環境、土地有相干,也鼓勵閣較濟人投入臺語的創作。


 

全台敬老金大調查

相關新聞