保育.護鄉土議題 台語台新戲"顧巢.抾箬仔"首映

公視臺語台的《台語有影》閣新出第三部電視電影，《顧巢抾箬仔》，共源自雲林在地的故事，結合保育類動物抾箬仔、也就是八色鳥，共守護鄉土等等議題用電影的手法來呈現。

公視董事長陳郁秀：「保育類動物抾箬仔，就是八色鳥，伊攏對伊的岫，反向咧飛，是按怎，伊欲顧伊的岫，伊欲顧伊的領地，這就是符合這齣電影伊的精神。」。

製作人兼演員德馨：「這是一个真符合台灣，台灣在地文化，不管是伊在地的風景也好，因為IN兜是做茶的，結合在地的景觀，閣有政治的抗爭佮人文。」。

這齣用電影規格翕出來的本土戲劇，劇情對百年茶廠的故事講起，描述村人面對開發佮環境保護，欲按怎來做選擇，規齣戲90分鐘，演員黃鐙輝、柯宇綸等等，用全台語演出。10月30暗時9點，佇公視台語台放送。