卵雞關籠仔.環境ﰴ 動保團體籲莫用非人道雞卵
發布時間：
更新時間：
目前國內有超過4萬隻雞母，攏是飼佇一格一格的籠仔內。毋過歐盟早佇2012年，就禁止用籠仔飼卵雞。動保團體今仔日去共速食業者呼籲，愛對企業開始，帶動畜產的養飼轉型。
穿雞母衫、佇速食店門口跳舞、弄翅仔，台灣動物社會研究會、雞母工會希望替全台灣超過4萬隻關佇A4 size籠仔內的籠仔雞發聲，要求台灣4大連鎖速食業者麥當勞、摩斯漢堡、漢堡王和肯德基重視動物福利，莫閣用籠仔雞所生的蛋。
台灣動物社會研究會的研究員寸舫筑表示，「全世界已經有2千外間的企業，採用非籠仔飼的雞蛋，就是希望企業會當綴著整個國際趨勢，重視人和動物健康的議題。」
針對陳情四大業者攏有發聲明回應，講in有確實遵守台灣食品衛生法規，也確保食品合安全標準。麥當勞是強調顧慮動物福利，已經遵照農委會2021年上新修正的「雞卵友善生產系統定義和指南」和友善養飼的雞卵商合作。
雞農表示除了企業支持，一般消費者會當對產銷履歷，伨友善農業。
茂林畜牧場的頭家林智傑講，「阮了土地會較大，設備也會較濟，包括內底閣愛做環境的控制系統，控制溫度，控制內底的濕度、一氧化碳，予伊佇內底會較快樂。」
農委會畜牧處家禽生產科的科長程俊龍是表示，「五年來有來申請友善生產系統低利貸款的，總共有36戶，金額有五億外。」
經歷疫情，消費者閣較注重食材安全和源頭，台灣企業也陸續制定非籠仔飼的採買政策，像國內的IKEA宣布年底前全部停賣非籠仔養飼的卵，Subway、家樂福、大潤發等等，也承諾會佇2025年全面停賣，加速友善養飼轉型。
