臺語敆越南語唸RAP 少年輩母語創作.走揣家己

旋律聽起來有夠輕鬆，你無聽毋著，這是越南語佮台語的hip pop，創作者就是今年25歲，當咧成大讀藝術研究所的王水源，和今年22歲拄對政治大學畢業的桃仔。

台越嘻哈「尋人」的詞曲創作家桃子A1J講，「歌名叫〈揣名〉，所以阮其實是咧揣別人的時陣，走揣家己。

桃子自細漢就佇越南大漢，媽媽越南人，爸爸台灣人，伊到11歲才開始學中文，一直以來母語和伊的hippop音樂路就是kap kap做伙的。

佇彰化大漢的王水源，也對家己的身分認同出發，伊講一直以來對中華民國攏感覺生份，佳哉阿嬤細漢教伊台語，予伊有這副母語鑰匙通走揣歷史、認捌家己。

講著創作的過程，台越嘻哈「尋人」詞曲創作家王水源講：「所以阮咧寫的時陣，愛確定阮所欲表達的思想，閣愛顧慮押韻，閣愛顧著flow。就是伊聽起來的感覺，我攏是一爿想 一爿寫，一爿寫查台語的字典。」

王水源遍若有閒就會佇房間，浸佇mixer的世界，希望用土地上原本的的話語，敆各種的flow，記錄家己所在的自由時代。

王水源也表示：「佇阮這个時代，享受自由的同時，阮嘛應該愛去了解，伊是按怎來的，阮才有法度去了解阮家己，熟識阮家己。」

桃子A1J表示，「我感覺性命袂當無聲音，母語創作是一定會繼續的。創作毋是一个強迫家己愛去做的代誌，阮是因為佮意所以才去做這項代誌。」

因為對母語的熱愛，桃子佮王水源攏講定著繼續創作，予閣較濟人聽著母語時行 siak pann的彼一面。