防疫情湠 全國超過400間加油站關公用便所
加入公視會員，
按讚收藏你關注的報導
發布時間：
更新時間：
為著欲阻擋疫情湠開，今仔日全臺灣400外間的加油站，也宣佈到5/28進前，公用便所攏無欲對外開放。毋過中油的部分，講是無欲關，毋過會加強消毒。
中油表示，除了便所，包括複合式商店、快速保養中心和營業室每半點鐘到一點鐘攏會加強消毒，民眾出入攏鼓勵用簡訊徛名，這陣為著防疫，有一寡加油站已經宣布對5月21開始，公用便所無對外開放，包括台亞、福懋、統一精工、西歐等等加油站，全台計共400外站，到5月28攏無對外開放。
運將講甲誠無奈，毋知影未來若便所攏關起來，欲如何是好，不過疫情繼續滾絞，各大速食業者包括麥當勞、摩斯漢堡、頂呱呱、肯德基、必勝客等等，便所也無開放，便利超商也仝款，就望疫情冗早轉和，減少生活的不便。
加油站的龍頭台灣中油公司，全台灣直營的加油站就有600外間，這馬便所猶有開放予民眾做使用，這陣猶無拍算閣其他的加油站仝款，因為防疫先共便所關起來。
中油表示，除了便所，包括複合式商店、快速保養中心和營業室每半點鐘到一點鐘攏會加強消毒，民眾出入攏鼓勵用簡訊徛名，這陣為著防疫，有一寡加油站已經宣布對5月21開始，公用便所無對外開放，包括台亞、福懋、統一精工、西歐等等加油站，全台計共400外站，到5月28攏無對外開放。
民眾表示，對有歲的人真正足無方便。民眾:「我嘛毋知影欲按怎，這个問題愛看政策按怎變化，阮無可能阮佇路邊便所吧。」
運將講甲誠無奈，毋知影未來若便所攏關起來，欲如何是好，不過疫情繼續滾絞，各大速食業者包括麥當勞、摩斯漢堡、頂呱呱、肯德基、必勝客等等，便所也無開放，便利超商也仝款，就望疫情冗早轉和，減少生活的不便。
