囡仔平均10歲就有手機 醫:早近視.青盲風險懸

這馬袂少囡仔兄囡仔姊攏誠這馬袂少囝仔兄囝仔姊攏真gau5pue手機仔,兒童福利聯盟這幾冬研究發現,囡仔開始提手機仔的年歲,平均差佇10歲,而且愈早開始pue手機仔的人,近視的速度就愈早,有眼科醫師發現,準若囡仔歇長假,無耍的手機仔,近視的機會就變少。
 
囡仔應該愛幾歲才會當有家己的手機仔,有家長認為毋通傷過早。
 
民眾:「手機仔大約對高中,高中一年仔、二年仔,阮才開始予IN來使用,因為知影電子產品,其實對囡仔大腦的智力發展佮視力的發展,攏會有誠嚴重的影響。」
 
佇街仔路問,也有人表達袂予囡仔看手機仔。毋過根據兒童福利聯盟的調查,這幾冬來,囡仔使用手機仔的年歲,2019年調查全台千外位11歲至14歲的囡仔,竟然平均10歲就開始用手機仔,而且使用的比例,若比較6冬前看,加4成外。
 
兒福聯盟政策中心主任李宏文:「佇2013年的時陣,全台灣的囡仔有家己的智慧型手機仔,這个比例大概是三成八,結果經過六冬,來到2019年,這个比例就加倍增加到八成二。」
 
兒福聯盟表示,囡仔提手機仔年歲降低,也代表著近視的歲數嘛愈來愈少年。針對這个問題,眼科醫師也講著一个趣味的現象,若拄到囡仔放長假期時,會有兩種較特別的求診類型,一種是因為定定去戶外,近視度數煞來降低,另一種就顛倒反。
 
眼科診所院長王孟祺:「像關踮厝直直用電子產品,抑是耍真久手機仔的電動,按呢囡仔來檢查的時,近視就比較變較嚴重。」
 
醫師表示,囡仔愈早著近視,愈有可能變高度近視,將來失明的風險嘛愈懸,兒福聯盟也講,除了傷目睭,也因為家長佮囡仔使用上的認知無仝,所致親子衝突嘛變較濟。
 

全台敬老金大調查

相關新聞