保留隆恩圳遺蹟 紀念巡臺御史開水圳之恩

乾隆君坐位第59年，巡臺御史李宜青，來到竹山地，捐銀兩百兩，招募田佃同齊開水圳，引濁水溪水，入去社寮四庄頭予農民好淹田，人稱隆恩圳，尾手這條水路嘛閣過翻幾若擺。啥知影講2十幾年前，集集欲建設水壩的時，煞講欲拆隆恩圳，經過眾人爭取，上尾一截舊磅空，才留有落--來。這也欲教育下代人，飲水思源頭的道理。

開手電仔照水路，行佇咧隧道內底的人，都攏共身軀壓予低低，遮是南投縣竹山鎮的縣定古蹟─隆恩圳。毋好看這水圳無夠氣，對磅空口，「第一號隧道」「昭和三年」的字樣，就會使知影伊是日治時期的產物。這水圳對往過靠田園食飯的竹山人來講，意義重大。

乾隆五十九年，西元1764年，寧都客家人巡臺御史李宜青，巡視竹山的時，因為看著當地農民無水im田，生活得袂過袂落去，就捐錢倩人隧道，引濁水溪的水，去社寮、溪洲仔和後埔等等，濟共四个庄頭。這隧道攏總有831公尺這呢長，不過因為年久失修，這馬只賰無到200公尺。

富州社區發展協會理事長講，保留隆恩圳，毋那是紀念巡臺御史李宜青助贊開水圳的恩德，也望予後代了解食果子、拜樹頭，食米飯就愛拜田頭，這个飲水思源的道理。