用廢柴箍來創作 薛佑定創作唌人目柴雕

屏東市有一位藝術家，真佮意舊柴的氣味，特別去收一寡人無愛的柴，做「木魚」佮雕刻。

囥佇擔仔位遮，各種魚仔造型的柴雕實在真唌人目，而且逐个柴雕，攏有in獨一無二的模樣和含意。

薛佑定因為佮意柴天然的芳味，tsua̋n用雕刻來發展家己的興趣，而且這寡柴箍攏是人做家具的時，裁掉無愛挃的廢料，毋過，薛佑定煞共抾轉來當做是寶，閣用伊的好手藝，共柴箍變成柴雕。

頭起先是因為序細的名有魚的諧音，所以伊才會特別攏做魚仔的作品。

有牽手的支持，薛佑定會使專心雕刻，而且閣有後生、查某囝替伊佇網路社群平台經營品牌，予in的生活變甲閣較精彩、豐富。規家伙仔嘛因為柴雕，予逐家的心會當箍做伙。

記者 綜合報導