王梨大出 臺南山上區農會推出好食醬料
加入公視會員，
按讚收藏你關注的報導
發布時間：
更新時間：
臺南市山上區農會趁王梨產季，收新鮮的王梨來加工、做果子醬，利用傳統的手路，無加任何添加物。農會表示，這款王梨醬真合料理，目前已經落市面。
台南市山上區的家政班媽媽，當咧無閒做王梨蔭醬。這是今年新出的商品，號做愛鳳醬。
這个愛鳳醬，完全採用古早的做法，先共黃豆醬囥佇罐仔底，紲落來，共已經用糖佮鹽豉過的王梨，一層王梨、一層黃豆醬的鋪起去，真材實料，閣有滿滿的王梨，看起來是真好食款。
山上區農會種的王梨面積大約是300偌公頃，主要是台農16號，另外是台農17號。這擺選用的王梨，就是山上區生產的這兩款。農會總幹事許弘霖是講，會收購這兩款王梨來加工，是共農民鬥幫贊，毋予價數崩落來，穩定市場。
目前，愛鳳醬已經上市，農會表示，王梨蔭醬真適合入菜，邀請逐家做伙食好醬，嘛通幫助農民。
記者 綜合報導
台南市山上區的家政班媽媽，當咧無閒做王梨蔭醬。這是今年新出的商品，號做愛鳳醬。
這个愛鳳醬，完全採用古早的做法，先共黃豆醬囥佇罐仔底，紲落來，共已經用糖佮鹽豉過的王梨，一層王梨、一層黃豆醬的鋪起去，真材實料，閣有滿滿的王梨，看起來是真好食款。
山上區農會種的王梨面積大約是300偌公頃，主要是台農16號，另外是台農17號。這擺選用的王梨，就是山上區生產的這兩款。農會總幹事許弘霖是講，會收購這兩款王梨來加工，是共農民鬥幫贊，毋予價數崩落來，穩定市場。
目前，愛鳳醬已經上市，農會表示，王梨蔭醬真適合入菜，邀請逐家做伙食好醬，嘛通幫助農民。
記者 綜合報導
