拚振興 蘇貞昌宣誓擴大投資公共建設

行政院為著欲拚振興經濟，院長蘇貞昌今仔日召集國營事業董事長佮相關部會，宣誓政府欲擴大投入公共建設。蘇貞昌表示，臺灣已經16工無確診病例，也講疫情結束了後的振興，望予公共建設來振興經濟。

蘇貞昌強調，政府擴大投入公共建設，會當冗早開工的、冗早執行的，會加速投入，而且也會要求國營事業單位，一定愛做甲到。行政院經過清點，決定欲提早執行今年度1600億的公共建設，包括桃園機場第三航廈，中油油槽佮氣化設施、等等的公共建設在內。