臺中設網站整理古地圖 望用科技了解歷史

用古早的路觀圖，佮土地登記的資料，配合上蓋先進的google地圖，會當產生啥物款新的作用咧？來到臺中大甲的民眾，若共敆這兩款資料鬥陣的一个網站開開，就會使遊大甲，兼閣了解庄頭的古蹟，變遷的歷史。

來到市立古蹟日南火車頭，志工圍做伙，用手機仔掃QR Code，就連去地籍資訊的網站，台中大甲的地政人員詳細解說，看古早無仝時期的地圖，對照眼前的古蹟，誠簡單就會使瞭解車頭的發展。

大甲地政事務所的人員掃描土地登記簿、地籍圖和歷史圖資，發揮專長和創意，把地籍資料變做在地深度旅遊的好工具。

這个網站毋但整理古早地圖，閣結合google地圖和實境技術，用數位新科技，予行跤到的遊客抑是無來到現場的民眾，攏總有法度看到古蹟的前世今生。