屏東大鵬灣紅樹林復育成功 生態豐富唌人目
發布時間：
更新時間：
春天是花開好時節，屏東大鵬灣人工溼地復育成功的紅樹林，有水筆仔、紅茄苳等等全臺灣的紅樹林生態，六个人工溼地，計共十外公頃的紅樹林，攏妝娗甲媠媠。鵬管處逐年春天攏會辦環境教育課程，予遊客毋但看鬧熱閣通學知識。
水筆仔、紅茄苳等等植物所組成的紅樹林，佇屏東大鵬灣有十外公頃，春天時逐欉當欲開花結果，大鵬灣四箍輾轉的六个人工溼地，攏妝娗甲水水水。
大鵬灣國家風景管理處表示，行一逝大鵬灣的紅樹林，就會使看著全台的紅樹林樹種，而且，遮閣有專人提供解說，一一介紹遮的無簡單才復育成功的寶貝。
大鵬灣國家風景管理處有環境教育場域的認證，逐年春天攏會辦環境教育課程，歡迎民眾來注文，予遊客毋但看鬧熱閣、通學知識。
記者 綜合報導
