家扶中心排擔義賣 煞受疫情影響成果差
發布時間：
更新時間：
過年歇睏彼站時間，彰化縣的家扶中心，走40外位風景地區，排擔義賣花燈，毋過因為武漢肺炎的影響，募著的款項煞比逐往年加誠少，花壇鄉91歲的老阿伯張萬字先生，聽著這个消息，也相當毋甘，主動捐出家己辛苦儉起來的10萬箍，望通幫助較弱勢的囡仔。
====
媠噹噹的花燈，頂頭有囡仔上佮意的佩佩豬和HELLO KITTY圖樣，彰化家扶中心逐年攏會去人潮較濟的所在，賣花燈，今年志工佇咧過年時仔，去彰化、台中針濟所在，替家扶基金會小朋友募款，不過受著武漢肺炎影響，夜市、大買場攏無啥人，募款的成果並無好。
==彰化家扶中心 主任==
今年的據點人潮差不多少了一半
正在愁雲慘霧的當中的時候
又發生我們的捐款箱
整個捐款箱又被偷走
因為掛心家庭困苦的小朋友，生活和就學會有困難，今年九十一歲，蹛佇彰化花壇鄉的張萬字阿公，因為平常時熟識真濟社工和基金會的志工，了解in募款的辛苦，就共家己儉規偌年的私欹，濟共十萬塊捐出來。
==捐款民眾 張萬字==
以前有接受別人的幫助
現在就想說 有人需要幫忙
我們這個就是心意就對了
協助阿公，共這一大筆的善款捐予家扶中心的花壇鄉派出所所長，也因為去予阿公的好心感動，伊也代表警方捐兩千摳，共原本佇捐錢箱取予人款走的錢補轉來，幫助弱勢的家庭。
記者 綜合報導
