臺中新設兒童交通安全館 教育正確交通智識
加入公視會員，
按讚收藏你關注的報導
發布時間：
更新時間：
臺中后里的賽車場，最近在園區內，打造中臺灣第一座兒童交通安全教育館，佔地有800外坪，館內建設真濟和真實的道路相仝的環境，尤其這个場所，閣也經過國際汽車聯盟FIA授權，教育館也是希望透過實際的體驗，予交通安全的觀念，自細釘根。
這寡囡仔坐佇會當駛的小隻轎車頂面，毋但愛安全駕駛，閣著遵守塗跤的標線和路口的號誌。遮是臺中后里的賽車場，透過模擬實際的車路，欲予囡仔從細漢就通了解交通安全的重要性。
為著推廣正確的道路安全智識，這間賽車場特別和中華車會合作，同齊打造這座8百外坪，而且是臺中頭一座的兒童交通安全教育館，閣有得著國際汽車聯盟FIA所授權的教材。
佇專業講師的tshuā領之下，予囡仔那駛車，那學交通號誌，用頂真的態度，面對各種的狀況，做出正確的反應。
這个課程是規畫予5歲到9歲的囡仔參加，佇完成所有的道路課程了後，in會提著一張兒童的駕駛執照。希望透過那耍那學的方式，予囡仔了解交通安全的觀念。
記者 綜合報導
這寡囡仔坐佇會當駛的小隻轎車頂面，毋但愛安全駕駛，閣著遵守塗跤的標線和路口的號誌。遮是臺中后里的賽車場，透過模擬實際的車路，欲予囡仔從細漢就通了解交通安全的重要性。
為著推廣正確的道路安全智識，這間賽車場特別和中華車會合作，同齊打造這座8百外坪，而且是臺中頭一座的兒童交通安全教育館，閣有得著國際汽車聯盟FIA所授權的教材。
佇專業講師的tshuā領之下，予囡仔那駛車，那學交通號誌，用頂真的態度，面對各種的狀況，做出正確的反應。
這个課程是規畫予5歲到9歲的囡仔參加，佇完成所有的道路課程了後，in會提著一張兒童的駕駛執照。希望透過那耍那學的方式，予囡仔了解交通安全的觀念。
記者 綜合報導
