彰化南瑤宮求公正 網路直播油香錢金額
加入公視會員，
按讚收藏你關注的報導
發布時間：
更新時間：
因為疫情的關係，真濟進香團攏取消，毋過民眾也真虔誠，共彰化南瑤宮的媽祖，添真濟油香。廟方為著予信眾放心，算油香錢的時陣，特別開網路直播，希望過程攏公開透明。
武漢肺炎的疫情繼續湠，今年毋那大甲媽遶境延後，真濟宮廟也燒紲取消遶境活動，彰化南瑤宮的信眾，也分散去廟參拜的時間，降低群聚感染的風險。
雖然來廟掛香的進香團減真濟，來拜拜的信眾也較分散，不過南瑤宮表示今年受著武漢肺炎影響，民眾添予鎮殿媽和開基三媽的心意，比舊年閣較濟。
廟方人員當齊共香客捐的錢抱去桌頂，彰化南瑤宮特別開直播，共善男信女的捐予媽祖的心意，一張仔一張點予清楚，廟方只要過一段時間，就會佇網路開直播，公開點添油香的錢。
南瑤宮表示香客添香的錢，攏用佇廟所舉辦的活動和廟務工塊，強調香客錢用去佗位，攏公開透明。信眾也希望遮的錢，會使加添一份心安，希望疫情趕緊過去。
記者 綜合報導
武漢肺炎的疫情繼續湠，今年毋那大甲媽遶境延後，真濟宮廟也燒紲取消遶境活動，彰化南瑤宮的信眾，也分散去廟參拜的時間，降低群聚感染的風險。
雖然來廟掛香的進香團減真濟，來拜拜的信眾也較分散，不過南瑤宮表示今年受著武漢肺炎影響，民眾添予鎮殿媽和開基三媽的心意，比舊年閣較濟。
廟方人員當齊共香客捐的錢抱去桌頂，彰化南瑤宮特別開直播，共善男信女的捐予媽祖的心意，一張仔一張點予清楚，廟方只要過一段時間，就會佇網路開直播，公開點添油香的錢。
南瑤宮表示香客添香的錢，攏用佇廟所舉辦的活動和廟務工塊，強調香客錢用去佗位，攏公開透明。信眾也希望遮的錢，會使加添一份心安，希望疫情趕緊過去。
記者 綜合報導
