公視台語台新春慶祝 招民眾寫臺語春聯


閣兩禮拜就欲過年矣,公視台語台昨昏佇大稻埕有舉辦新年慶祝活動,邀請逐家做伙寫臺語春聯,民眾攏鬥陣來耍,嘛有翕相拍卡送禮物,欲祝福所有的觀眾朋友新年快樂。

帶子位置N槽 0113耿郁春聯新聞


==公視台語台主播 吳國禎==
看予伊規家伙仔
親像頭拄仔阿松兄講的
全家有智慧


今年春節是台語台開台後頭一个過年,為著感謝觀眾朋友的支持,台語台和台北市商業處「超.新年」台北年貨大街合作,12號佇大稻埕永樂市場舉辦寫台語春聯的活動,現場嘛準備印好的台語春聯,請民眾排隊來領,公視董事長陳郁秀嘛來到現場佮逐家拜年。

==公視董事長 陳郁秀 VS 活動主持人 阿松==
今仔日真歡喜 阮佇遮欲辦一个
逐家來用台語來寫春聯
咱知影往過寫春聯
攏是用華語去寫春聯(用華語寫)
但是 這馬咱欲用咱的母語來寫



台語台進前佇面冊邀請網友激頭殼,創作今年的台語春聯,經過票選,得票率上懸的是「金鼠迎新 開台逢春」,創作者嘛特別來到活動現場,佮逐家解說這句春聯的意義。

==書法老師 曾婉諭==
我想欲祝福公視台語台
佇咱的金鼠年
會當得著新的 好的開始
迎接著新的 好的開始
金鼠就迎新
接奉著興旺的生機 佮發展
做上蓋讚 上蓋受歡迎的節目


台語台開台後一直推捒台語文,毋但節目是全台語發音,字幕嘛是用台文字。這擺舉辦台語春聯活動,就是欲予逐家更加熟識母語,用母語寫春聯、講吉祥話,也向望每一个台灣人,佇新的一年攏會使平安順遂,過好年。

記者 楊秀茹 許中熹 林耿郁 報導
 

相關新聞

專題|全台敬老金大調查