社區民眾仝心做花燈 歡喜迎接金鼠年

舊曆過年咧欲到矣,南投竹山的「山崇社區」,遮有真濟伯仔、姆仔,毋但咧無閒款過年的「料理」佮「用品」,嘛冗時間縫坐做伙,趕緊咧製作花燈,因為閣無幾日,就愛將花燈,載去「南投燈會」的會場試點,新年頭舊年尾,觀眾朋友若有閒,著愛專工來去遐行行咧,體會遮的序大的用心。


社區的序大振動跤手,提形形色色的花布,黏佇花燈骨頂頭。阿公、阿媽逐个歡頭喜面,攏誠期待花燈會當趕緊完成,送去南投燈會展示。

===社區長者===
有很多人 來這裡看(花燈)
做這個很好
找大家一起去看(花燈)
看有沒有做得比其他社區來得好
===社區長者===
做花燈拿出去展覽
看有沒有做得比其他人來得好
大家合作 不會辛苦
大家來這裡做花燈很有趣
老人一起來這裡比較不會無聊


鳥鼠年咧欲到矣!濟濟社區攏開始無閒製作花燈。南投縣竹山鎮山崇社區的民眾,就攏總振動起來,仝一條心為南投燈會的展覽拍拚,日時阿公、阿媽共花燈黏布,暗時交志工佇花燈頂頭鬥電火球仔。

===社區志工===
花燈 做了一對鼠來寶
現在已經 晚上都在趕工
趕快努力要做好


山崇社區設計2隻鳥鼠做花燈的形體來迎接新年,拍拚佇正月初六進前完成,送去「南投市會展中心社區燈區」測試。2020年的南投燈會佇正月18起鼓,時到邀請民眾去會場行踏,支持社區製作的花燈。

綜合報導

 

九合一選戰解析

相關新聞