世界12強野球賽複賽 臺灣摃輸墨西哥


世界12強野球賽的複賽,咱臺灣的代表隊,今仔日早起11點,戰墨西哥,咱是派出「搩正手」的投手江少慶拍頭陣,雖然頭尾咱有摃3支安打,毋過煞攏無提著分數,終其尾,以0比2,無奈來敗陣。

先發的投手江少慶,搩5局外,予對方撼三支安打,其中一支是homerun,毋過嘛三振對手,攏總8擺,接佇咧中場,出陣的投手陳冠宇、王躍霖,分數攏無落--著,一个人閣也三振對方兩擺。雖然臺灣和墨西哥彼爿仝款,安打平平有3支,毋過煞攏無抾做伙。路尾咱是以0比2,吞落敗戰的結果。紲落去是明仔暗六點,臺灣欲戰南韓,公視13台,嘛會現場轉播,邀請觀眾朋友,同齊來替臺灣加油。


 

相關新聞

專題|全台敬老金大調查