奇萊山登山口發現臺灣水鹿 畫面頭擺見光
發布時間：
更新時間：
花蓮這爿，奇萊山入山的路口，有太魯閣國家公園管理處的人員，去看著水鹿仔出來咧揣食，翕著真罕見的鏡頭，近來嘛有袂少上山的遊客，反映講仝款佇入山口遮去看著水鹿，拍算就是因為水鹿愈來愈大陣的款。
一透早這隻水鹿，恬恬咧草晡仔內討食，看著鹿角，咱嘛知影這隻是鹿公。伊若像有智覺著保育巡查員咧共伊hip，頭殼煞舉起來佮巡查員對相。遮的珍貴的的鏡頭，是佇咧奇萊山入山的路口這角仔hip著的。／太魯閣國家公園管理處表示講，水鹿仔是保育類動物，主要是踮佇海拔較懸的懸山水源地，近來發覺講國家公園內的水鹿仔，若像有行來較山下，當然詳細愛閣追蹤閣觀察，看水鹿的生態敢有改變。／國家公園管理處嘛呼籲8講，水鹿仔較驚身份，提醒peh山的遊客若有看著，咱著毋通行傷倚。
專題｜改造地獄路 台灣行人路為何難行？
