屏東"戲曲玩戲節" 教囡仔人唱唸搬戲體驗古早味


屏東「戲曲玩戲節」活動,教囡仔兄、囡仔姊唸台詞、做身段,體驗傳統藝術的媠。這拜六、禮拜,ﰀ的學習成果就要搬上「戲曲故事館」的舞台。現場嘛有布袋戲、皮猴戲、北管等等傳統藝術的展覽和演出。另外,閣會重現古早味的市場,就是欲予民眾感受到咱生活中的藝術。



囡仔兄、囡仔姊綴台頂的老師唸台詞、學身段。這是屏東「戲曲故事館」所舉辦的「戲曲玩戲節」活動,專業的演員做老師、指點眉角,予囡仔體驗傳統戲曲的媠,也有機會會使佇舞台頂表演。

==戲曲玩戲節總策畫 江明龍==
所謂的小小醉八仙
我們讓小朋友
在地的小朋友
演他們想要呈現的展現的方式
生旦淨末丑 所有的腳色
他們可以真正實地上台做表演


這擺「戲曲玩戲節」擔任總策畫的江明龍,是正港的台灣歌仔戲戲班囡仔,自細漢就綴阿爸四界去搬戲。伊嘛向望共這款經驗,傳予這馬的囡仔,予囡仔對傳統藝術來體驗本土的特殊文化。

==戲曲玩戲節總策畫 江明龍==
那目的在於說 我們要做
所謂的戲曲培養扎根教育
子弟戲的培訓 人說子弟戲
子弟戲就是廟口
讓小朋友能夠有機會
近距離玩戲
甚至上台 做扮相 做展演


這些囡仔學習子弟戲的成果, 8月17、18兩工,就欲佇屏東「戲曲故事館」來搬演。另外,嘛有布袋戲、皮猴戲、北管(pak-kuán)等等傳統藝術的展覽和演出。現場閣會重現古早味的市場,就是欲予民眾感受到咱生活中的藝術。

記者 綜合報導
 

九合一選戰解析

相關新聞