北港鎮安宮佮朝天宮神轎 師傅攏是許澤男
發布時間：
更新時間：
雲林北港拜千歲爺的鎮安宮，有一頂歷史欲60冬的神明轎，做工是誠幼路，不過一直揣無製作這頂轎的老師傅是啥人，頂日仔廟裡特別邀請捌共朝天宮釘神明轎的老師傅－－許澤男來鑑定，想袂到講十二點拄仔好槓十二下，許澤男先生一下看著爾就講，這座神明轎就嘛我釘的呢。
這頂做工誠幼路的四角神轎，是鎮安宮的鎮廟之寶，毋過廟方一直揣無做這頂神轎的師傅，一直到頂個月，請捌共朝天宮做神轎的老師傅許澤男來鑑定，才發見這頂神轎佮朝天宮媽祖轎的師傅是仝一个。
==鎮安宮主委 莊松裕==
因為他和朝天宮的媽祖轎
是同一批的師傅
如果是四角神轎
那這座轎是最出色的神轎
雖罔閬欲60冬，毋過當當師傅許澤男閣再看著這頂四角神轎，是誠歡喜。嘛講這頂神轎佮朝天宮媽祖轎雖罔攏是伊做的，毋過意義無仝款，朝天宮媽祖轎是朝天宮出錢來起造。抑若這頂四角神轎是信眾傱錢來造的。
==神轎師傅 許澤男==
設計這座 指導把這座神轎完成
現在58年後 再看到這座神轎
可以說很開心
朝天宮那座是朝天宮有錢
那座是 一切費用是朝天宮出錢
那這座 廟當時沒那麼有錢
是信眾捐錢出來去建造的
神轎經過整修了後，鎮安宮會共好好仔保存落來，向望予後代囝孫來欣賞，見證鎮安宮這个寶貴的重要文物。
記者 綜合報導
