U-12世界盃少年野球賽 臺灣排第2進入複賽
發布時間：
更新時間：
公視台語台佇7/26開始，全程轉播U-12世界盃少棒賽錦標賽，臺灣隊佇A組是4勝1敗，通用分組第二的成績進入複賽。複賽自8/1到8/3，有藝人澎恰恰佮滅火器主唱楊大正，做伙來台語台轉播，邀請逐家鎖定公視台語台，做伙替臺灣選手加油。
強閣有力的聲嗽，斟酌甲聽，主播佮球評講的全全是台語，這是U-12世界盃少年野球錦標賽現場，囡仔兄骨力摃球，逐場賽事攏打甲誠精彩。
==NS==
打出一個高球 被接殺
這球沒問題 守住這分
2019年U-12世界盃棒球賽比賽，對07月26開始，中華、美國、古巴、日本、韓國等等12个國家的代表隊聚集佇台南，預賽打到30結束，台灣隊佇A組以4勝1敗、分組第二名的成績進入複賽。
紲落去複賽會佇08月初一到08月初三舉行，台灣佇這三工暗時6點半分別對韓國、墨西哥佮委內瑞拉。台灣閃亮之星棒球隊藝人澎恰恰佮滅火器主唱楊大正也會加入台語球評的行列，用台語播野球賽，佮民眾做伙，為賽事加油，請鄉親鎖定公視台語台，收看電視轉播！
記者 綜合報導
