傳藝中心辦歌仔戲比賽 招民眾學文化.講臺語
鄭雅文 謝季潾/臺北報導
發布時間：
更新時間：
目次
歌仔戲的內容是萬底深坑。為著欲予唱歌仔戲、講台語成做全民運動，國立傳統藝術中心宣佈欲辦頭一屆「歌仔上青-全國歌仔戲比賽」。佇人人攏有手機仔的時代，無論囡仔抑是大人，只要共唱歌仔戲的影片，用手機仔翕落來，傳起去，就通參加比賽。(這條新聞標題、前言是臺語文。)
三个國中、小學的姊妹仔、同齊搬戲，怹講自細漢就綴媽媽學戲，感覺歌仔戲誠趣味
潘柔軒講:「對大班，有一改媽媽講需要小角色，我就參潘柔穎做伙去演，就感覺真趣味，阮就開始演戲。」
怹三个姊妺仔、會使講是常在佇唱歌仔戲比賽著等，佇台灣、佮意歌仔戲的人真濟，往過逐家攏是看歌仔戲，毋過這改、國立傳統藝術中心，是欲予逐家唱歌仔戲。頭改舉辦"歌仔上青-全國歌唱比賽"。
文化部長史哲講:「歌仔上青我想，逐家應該希望產生，過去咱在座的少年歌仔，這其實是咱的使命，也希望按呢的工課，毋但只有一改。」唐美雲歌仔戲團長唐美雲講:「歌仔戲參臺語，就親像基因參血緣，這是文化藝術，融合傳承。」
歌仔戲有誠深的台語文化底蒂。傳藝中心這改比賽有分做幼齒組，一般組佮專業組，用手機仔錄90秒內的影片，毋免化妝清唱也會使，傳到歌仔上青、就算完成報名，初選了後、閣有複賽，準講進入決賽、就有明星老師牽教、通上培訓班，希望歌仔也通成做全民運動。
歌仔戲的藝術樂，這是通人愛。
張曼亭/編輯
專題｜改造地獄路 台灣行人路為何難行？
