臺灣工藝賽轉型做獎項 培育人才.鼓勵支持者

已經辦28冬的臺灣工藝競賽,是國內上有歷史的綜合型工藝比賽,今年毋但特別增加獎項,而且也欲轉型做臺灣工藝獎,希望會當培育閣較濟工藝人才佮支持者。這陣嘛特別揀出28件往過比賽的作品,佇臺北信義新天地展出兩禮拜。

用回收柴料,猶閣有鹹草等等材料創作的工藝品,總共28件,攏是對往過台灣工藝競賽特別揀出來的。

臺灣工藝研究發展中心主任張仁吉講:「阮就共28冬的作品內容表現成做秩序、形式、當代性、社會性等等的脈絡觀察。」

工藝中心表示,已經辦28冬的臺灣工藝競賽,予真濟人才有發揮的舞台,今年特別轉型成做臺灣工藝獎,除了以創作為主,也增加協作獎,望透過作品展覽佮買賣收藏,提升工藝價值,培養閣較濟人才,也鼓勵支持者。


臺灣工藝研究發展中心主任張仁吉講:「意思就是講,阮除了阮來擴大工藝的創作獎勵以外,阮閣較愛來鼓勵、支持創作者的這寡協力者,這寡人予支持後,才會閣加鼓勵咱的這寡創作者。」

這改臺灣工藝演繹28+ 特展的作品,包括粗瓷、木工、植物染等等,特色是將工藝結合美術佮環保,目前當咧台北信義新天地,欲展出兩禮拜。

專題|土耳其百年震殤 「鬆餅式坍塌」為何釀禍?

相關新聞