紅線停車袂閣檢舉 今愈濟人亂插車.毋停車位

明明頭前就有停車位，有人偏偏共車停咧紅線頂懸。今年四月底檢舉違規停車的新制上路，警方無閣再接民眾檢舉紅線停車。最近有民眾發見佇科學園區附近，駕駛人違規共車停佇紅線的情形變較嚴重矣。
 

附近民眾指出：「大家攏會去停紅線，無欲停車格，為啥物無欲愛納停車錢」

停車收費員表示：「烏白停車的人誠濟，人一定會貪俗，會使閃避停車費就閃避，無就是看著阮來矣，就共車駛走」

警方表示，最近有注意著烏白停車的問題，未來會加強附近路段的巡邏，希望民眾千萬毋通隨意違規。

新竹市二分局五組組長 陳元偉表示：「本分局會繼續加強巡邏，取締違規而且宣導民眾，停車應該遵守道路交通安全規定」

警方提醒民眾，千萬毋通想欲省一點鐘廿箍的停車錢，車違規停紅線，若是予警方開罰單，是會罰甲六百至千二箍。