2011年臺灣國家檔案局開放政治檔案予民眾去看，毋過遮的檔案按怎解讀，國家人權博物館和台灣民間真相和和解促進會，用冬外的時間，解密崔小萍、蔡懋堂等等4个人的審判檔案，出版一本叫「政治檔案會講話」的冊，希望成做解讀政治檔案入門的工具冊。
曾做過中國廣播公司濟濟廣播劇的崔小萍女士，1950年到1970年代誠衝，不過因為初中捌和共產黨接觸，1968年予政府認定參加叛亂組織，無自首，落尾關9年4個月。這馬包括1965年梁紹和的自白書，內容寫對崔小萍姊妹仔的了解，猶閣有調查局的文件、崔小萍的判決書等等的政治檔案，攏予人整理出來。
中研院臺史所博士後研究員蘇慶軒:「國民黨遷來臺灣進前，崔小萍就已經來臺灣矣，毋過伊的案件足趣味，是因為到1960年代尾，情治機關才辦伊，共伊逮捕。」
除了崔小萍案，這本由國家人權博物館和台灣民間真相和和解促進會，合作出版的政治檔案會講話這本冊，也整理蔡懋堂、蔡孝乾和許席圖in的政治檔案，解讀整理，希望成做台灣頭一本專門解讀政治檔案入門的工具冊。
台灣民間真促會理事吳俊瑩:「檔案頂頭敢有法度看著伊的化名抑是真名，像這張檔案內底，就有共伊的化名佮真名攏寫起去，這咱一看就知影原來這个人是按呢。」
台灣民間真促會理事陳翠蓮:「若直接共遮的檔案當作是真相，可能會對政治受害者 變成第二度的傷害，所以這本書真重要的部份，除了共你講按怎揣檔案，嘛提醒講愛按怎用檔案。」
台灣佇1999年有檔案法，2019年制定政治檔案條例，不過檔案開放以後，民眾按怎解讀，像檔案捷用的詞彙、檔號的結構，攏有佇這本冊紹介，希望跳脫往過對受害者中心的思考，轉換到整個加害者體系的了解。