嘉義彩虹生活節 邀請多元族群分享生活經驗
加入公視會員，
按讚收藏你關注的報導
發布時間：
更新時間：
嘉義一陣關注性別平權的民眾，5/1佇嘉義市文創園區舉辦彩虹生活節，毋但有同志家庭分享晟養囡仔的經驗，嘛有迒性別的人士，分享伊認捌家己的過程。
迒性別的主講人，向逐家紹介家己迒性別認同的過程佮經驗，希望予逐家會當來了解。除了有議題的分享，閣有誠濟個人工作室來排擔仔，設計各種彩虹圖樣的產品。
這個活動對2018年開始舉辦到今已經第三屆，因為愈來愈濟人的重視佮參與，所以今年嘛有增加一寡表演佮議題的討論，嘛吸引足濟關心議題的民眾參加。
主辦單位表示，希望透過活動，拍破傳統男女性別二元的分類方式，用多元的角度，減少因為對性少數的無了解所產生的偏見。
議題分享人安安：「不管你是佮意查埔抑是佮意查某，順性別、迒性別等等遮的物件，伊其實攏會使透過一个量表去判斷，抑是去揣著家己的落點、家己的坐標。」
迒性別的主講人，向逐家紹介家己迒性別認同的過程佮經驗，希望予逐家會當來了解。除了有議題的分享，閣有誠濟個人工作室來排擔仔，設計各種彩虹圖樣的產品。
參加民眾傅先生：「市政府的人嘛應該好好來想看覓，如何做閣較濟推廣，予同志族群佮不是同志族群的人，攏會使互相尊重 輕鬆做伙的活動。」
議題分享人安安：「阮並毋是無存在，只是猶未徛出來予恁去看著，這馬阮徛出來，就表示阮是存在。阮欲予逐家知影，歡迎逐家做伙支持。」
這個活動對2018年開始舉辦到今已經第三屆，因為愈來愈濟人的重視佮參與，所以今年嘛有增加一寡表演佮議題的討論，嘛吸引足濟關心議題的民眾參加。
活動總召吳敏華：「其實恬恬支持的人足濟，只是可能因為序大一寡壓力，毋敢傷明顯來支持。我嘛感覺，這是嘉義目前會使閣努力的空間。」
同志家庭陳釩：「普遍感受著逐家接受重視的程度，佇同婚通過了後，是有愈來愈懸矣。」
同志伴侶黃淑惠&陳媛琳：「真好，會當呼倚誠濟人的力量，然後予逐家更加認捌這款的議題 ，然後多元性別、平等，阮感覺誠好。」
主辦單位表示，希望透過活動，拍破傳統男女性別二元的分類方式，用多元的角度，減少因為對性少數的無了解所產生的偏見。
