南投竹山ﰈ人展創意 利用在地竹仔做花燈

南投竹山2021、竹藝燈會、鬧猜猜,內底有濟濟敖人、利用在地的竹工藝,設計出古仔燈、花燈,咱做伙來看。
 
2021南投竹山竹藝燈會當咧鬧熱舉辦,會場四界攏有配合牛年的主題,所設計的花燈,而且因為竹山是竹仔的產地,所以也會當看著濟濟用竹編、竹管落去創作的花燈作品。

親像這隻用竹管黏起來的牛,就是竹山籐湖社區的居民,做伙激頭腦設計出來的花燈,為著予這座花燈閣較有特色,連牛徛的姿勢,就佮一般逐家印象中姿勢無仝。

欲做這隻牛毋是黏一黏而已,社區志工對內底的鐵骨架開始燒,到裁外口一節一節的竹管,最後閣愛動頭殼共無仝粗幼的竹管,一支接一支黏予無空縫,用幾落個月才完成。

真濟所在攏有辦的燈會,考驗濟濟GÂU人的創意,逐年攏愛變出無仝款的齣頭,雖然南投竹山燈會的規模,無各縣市政府主辦的遐爾大,但是結合在地竹工藝的花燈,絕對是別位無的。

全台敬老金大調查

相關新聞