兒童福利聯盟專線 聽囡仔講煩惱.消敨壓力

兒童福利聯盟針對12歲以下的囡仔，有設一支「哎喲喂呀」兒童專線。社工表示，逐個月大概攏有2、3百通電話，囡仔的心誠，真需要大人來了解佮關心。

人講囡仔人應該是上蓋無憂無慮（bû-iu bû-lī），毋過敢真正按呢?

有的囡仔確實有煩惱，但無的確會參爸母講，兒童福利聯盟就針對囡仔設立一支諮詢專線，予IN嘛有消敨壓力的管道

社工抑是受過訓練的志工，特定時間佮囡仔佇線頂開講，座位頂懸嘛有情緒用表予IN參考，欲按怎參囡仔對話、了解IN的想法。照IN統計，囡仔的煩惱代，功課困擾占上濟、閣來是人際關係佮家己的心情，尤其愈倚考試，敲來的人越濟。