新竹縣推烏豆在地履歷 學生落田體驗採收

新竹對舊年開始,推動烏豆仔的產銷履歷,到今已經有十外間學校的營養午餐,食會著在地烏豆。為著予學生囡仔了解作田的艱苦,農會也特別tshua7學生,來去挽烏豆。

擘開殼仔一粒閣一粒,烏甲發光的烏豆,出現佇眼前,新竹縣這幾年捒在地農產品進入校園的營養午餐,其中烏豆真受學生歡迎,為著欲予學生更加了解烏豆,特別tsuah in來黑豆田體驗。

現場閣安排利用烏豆粉佮烏豆做烏豆潤餅,薄薄的餅皮共烏豆包牢,食起來的口感佮一般的潤餅無啥仝款,囡仔食了攏足佮意。

來到農會,會使看著真濟烏豆相關商品,上特別的是農會用烏豆,做成露螺冰芳閣甜,農會表示,烏豆會使用來煮湯、做烏豆奶、豆花,真濟款的料理,營養嘛誠豐富,希望愈來愈濟人接受。

九合一選戰解析

相關新聞