雲林虎尾，有一搭專門咧推動藝術創作的場所，當咧宣傳講，學畫圖，毋免有基礎，in欲教民眾創作「流動畫」，也就是對揀色水，到畫法種種，攏由人自由去選擇。指導老師表示，這就是欲鼓勵民眾，來接近藝術，提升in創作的信心。


民眾家己揀色，紲落去共色料倒佇畫枋頂面，才閣提起來沓沓仔振動，予色料流過來閣流過去，這就是這陣上蓋時行的流動畫。

==參與民眾==
它(流動畫)很簡單 很好入門
然後很推薦給
就算你平常沒有在畫畫
創作的人都可以來玩

==參與民眾==
學習這種流動畫的過程中
會感覺到愉快 感覺到遊戲
但是也感覺到美好


來體驗的民眾攏講，創作流動畫毋但簡單，閣通予心情放輕鬆。指導老師表示，希望逐家會當運用生活中的元素來發揮創意。

==藝術創作空間老師 江威儒==
讓大家可以去把生活中所看的
所想的 用一個非常簡單的顏色
以及材料去自動融合成一幅畫


做這款流動畫，毋免先學畫圖的工夫，也無啥物限制，只要用心投入創作就會使，大人和囡仔嘛會當做伙來感受藝術的氣氛。

==藝術創作空間老師 余晟瑋==
希望大家來這邊
可以舒舒服服地創作


藝術的表現方式有百百種，自由閣無限制的流動畫，予民眾通照家己的想法創作，那親近藝術那予心情平靜，毋但刺激in的藝術天份，也增加in對創作的信心。

記者 綜合報導