南澳古道生態豐富 隱藏泰雅族人文歷史


宜蘭的南澳古道,毋但有豐富的生態,嘛有泰雅族的人文歷史。在地培訓生態導覽的人員,15位完成辛苦訓練的學員,未來也會做當地部落、深度旅遊重要的人才。

佇宜蘭南澳山區有一條古道,這條山路是泰雅族南澳群的族人欲轉去舊部落重要的通路。毋過這馬在地的少年人,嘛無啥瞭解山裡植物的泰雅名字和部落的生活智慧。羅東林管處佮「愛南澳生態旅遊發展協會」看著這款情形,積極來培訓南澳生態導覽解說的人才。

2018年在地開始培養南澳生態導覽解說的人才,指導老師講,訓練過程愛行山路,誠辛苦,看著少年人的認真,伊嘛誠感動,望在地少年人作伙打造南澳的深度旅遊。

金岳部落的族人到今攏會行這條山路,轉去祖先的故鄉。這兩梯所訓練出來的十五个學員,未來嘛欲共這條古路的人文佮生態的故事,一遍一遍講予濟濟遊客瞭解。

記者 綜合報導
 

全台敬老金大調查

相關新聞