新戲齣"若是一個人" 用臺語演現代愛情劇

全臺語的電視劇新戲齣「若是一個人」,得欲推出囉!這回邀請金鐘獎的編劇杜政哲來做導演,也邀請少年演員來搬演現代人,佇咧都市內面孤單佮寂寞的愛情世界,好戲有影值得咱期待。

少年輩的新生代演員,孫可芳、宋柏緯、林子閎、陳璇等人,頭擺以全台語的方式,共現代人佇愛情世界的孤單和寂寞呈現佇戲內面,就連台語的資深演員陳亞蘭、苗可麗等人,也來插一跤,替這齣新世代的精緻電視劇,增添看頭。

打破往陣逐家綴台語戲劇的印象,金鐘獎編劇杜政哲頭擺擔任導演,對戲骨到戲肉攏下功夫講究。

現代世間的有情人,如何佇花花世界,感受愛情的溫暖和束縛,猶閣按怎佇情海中,走揣生命的意義,重新熟識家己,「若是一个人」台語電視劇,04月19會佇公共電視台和華視,同齊播送。

全台敬老金大調查

相關新聞