天頂白雲變化萬千 吸引李學富用油彩畫圖

天頂的雲一直是變化萬千。藝術家李學富，利用大自然的雲做主題，用油彩畫出每一幅、大自然的圖影。

好天的雲、烏陰天的雲，各種無仝的雲攏予藝術家李學富畫做一幅一幅的油彩風景畫，雖罔畫是固定的，毋過面頂的雲看起來煞親像有咧行。李學富佮意畫大自然四季變化的景致，這斗佇屏東美術館所展出的是上新的雲佮土地的歌系列的創作。

李學富意向佇旅遊的時陣，向大自然揣靈感，伊講墾丁龍磐公園真曠闊、景致特殊，他創作一系列龍磐的「雲」，來呈現屏東的媠。

這遍李學富展覽的主題是「迴.漫」，呈現伊浸佇大自然內底所得的體驗，將心內的感受和環境相連，伊嘛邀請逐家，來看展覽、佇無仝的風景內底散步。