山陽國小太鼓隊 進軍全國音樂決賽 展現拍鼓熱情

人講:薟椒仔、會薟細粒就會薟。佇臺中大肚的山陽國小、雖然全校干焦7班爾爾，毋過ﰀ的太鼓隊誠厲害，也真認真，咱做伙來看，。

專心抓節奏，囡仔兄、囡仔姊氣勢十足，鼓聲槓共真活，囡仔平常時仔骨力練習的成果，這場表演予台跤的觀眾和評審聽了真感動，也予in佇臺中市音樂比賽內底，國小組打擊樂合奏這个項目，提著第二名，成功晉級全國賽。

差不多15冬前，台中大肚區山陽國小的老師為著鼓勵學生多元發展，共藝術和人文結合佇學校的課程，以太鼓作學校的特色，成立太鼓社團。雖然學校人數無濟，全校才七个班，不過年歲較大的學生就攏tshua7較細漢的囡仔，做伙練鼓、學習。社團的教練對這擺學生得頂，心內真激動，也講出對社團未來發展的向望。

全國學生音樂比賽決賽，原本拍算佇三月初比，不過受武漢肺炎疫情影響，團體賽攏取消矣，山陽國小表示最近小朋友出外表演的行程，包括練團和營隊也攏按下，希望降低囡仔集體練鼓，相穢的風險。

記者 綜合報導