南投縣府佇復康巴士囥冊 望民眾享受看冊的趣味


南投縣政府自舊年12月開始,踮縣內20隻載「行動有較不便的患者」,去病院看診的彼款「復康巴士」頂頭,落去排一寡冊予人讀。就是望講予遮的身體無啥好勢的縣民,借用坐車短短的時間,享受讀冊的歡喜,抑遐的冊嘛通綴「復康巴士」行東往西,予愈濟人讀會著。




復康巴士到厝門口矣,行動無方便的長輩坐輪椅,佇親人的陪同下,準備坐去去,予醫生看。為著予使用巴士的人,佇車頂袂無聊,也予患者有代誌做,暫時袂記得身體毋爽快的感覺,南投縣政府文化局經過跨局處合作,為2019年12月份開始推出予冊箱趴趴走的活動,民眾坐到佗位,就看到佗位。

==民眾==
很好啊
在家無聊的時候增加一些知識
而且已經就是把這些書再利用


車頂啥物冊都有,包括哈利波特的小說、教人講日語的工具冊,就連囡仔冊也有,南投縣政府這陣有20台的復康巴士,逐台車頂頭攏有囥冊箱,由復康巴士的司機負責補冊,南投縣府閣較表示,這陣營運2、3個月,有熟悉的民眾會向司機開冊單,請司機若到公共圖書館,鬥借冊。

==南投縣政府文化局局長 林榮森==
不只是可以在車上看
他還可以帶回家看
因為有些書
它不是一下子就可以看完的
看完之後
他們再把書放回溫馨巴士


透過社會勞動處文化局 各鄉鎮圖書館等等跨單位合作,做伙推廣閱讀,也予行動無方便的人和照顧in的人,有機會看冊,充實家己也予分享知識的概念,綴巴士佇縣內四界漂流。

記者 綜合報導
 

全台敬老金大調查

相關新聞