疫情影響 屏東縣三月的音樂會賣票無三成

因為煩惱武漢肺炎湠開，今就連藝術文化活動的票房，嘛大大受影響。屏東縣政府文化處就講，三月縣內有兩場大型的音樂會，這陣干焦三成的椅仔位，有人來拆票爾。實在講in文化處，攏有佇咧展覽和演藝的場所，加強消毒，總是望民眾，會當盡量買票捧場，支持藝文活動。


全世界武漢肺炎疫情滾絞，民眾為著持防新冠病毒，攏盡量減少出外，致使各地頭的藝文活動受著真大的影響。佇臺灣上南爿的屏東演藝廳，嘛有真濟活動和節目tsua̋n延期舉辦。

==屏東縣政府文化處專員 方慧茹==
受到疫情的影響
我們文化處在3月推出的2場活動
就是KITTY音樂會
還有半島風聲相放伴
這兩場的票房目前只有2-3成
那我們也請各位鄉親
就是踴躍地來支持我們的藝文活動


原本誠受大人囡仔意愛的「日本Hello Kitty古典音樂會」，不得已延到3月28演出。因為疫情猶咧湠燒，民眾毋敢到室內參加藝文活動，退票的人嘛濟，目前票才干焦賣3成爾。

==屏東縣政府文化處專員 方慧茹==
我們文化處已經在過完年後
就制定防疫SOP
像是館內的工作人員上工前
都要測量體溫 戴口罩而且酒精消毒
那入場的觀眾 如果額溫高於37.5度
也不開放入場並勸導就診
那館內每天也會來進行
消毒的作業


文化處強調，為著欲予觀眾放心，逐个展演館攏有加強防疫事工，民眾若有咳嗽、發燒這寡症頭，也會禁止in入館。希望逐家會使用實際的行動，來支持藝文活動。

記者 綜合報導