新竹1少女受性侵.燒屍體 嫌犯予人判無期徒

2015年，新竹一个名叫林春雄的某人，因為伊的女朋友和一个姓邱的少女發生口角，伊竟然招3个朋友伴，去拍彼个查某囡仔，甚至共人草踏了，連身屍都放火燒。早起，高等法院發佈講，林春雄和伊的女朋友，閣有3个共犯，因為攏猶有可能閣再教化，判決無期徒，這條案是猶會當上訴得。
(主播念)
進前林春雄是有兩擺，去予法院判死刑，經過上訴，最高法院認定講，伊毋是全無悔改的意向，就按呢將案件發回更審，高等法院這回認定被告，犯這條案件的過程，若參考國際人權兩項公約共伊看起來，無算是上蓋嚴重的罪行，閣再根據臺大病院鑑定的結果，判斷講有的被告是猶有可能閣再教化，所致才會判決林春雄一行5个人無期徒。