地檢署佮布袋戲團合作 呼籲民眾檢舉賄選

離選舉的時間那來那倚，臺中地檢署的陳宏達檢察長，特別出面和「真雲林閣掌中劇團」做伙攑尪仔、弄布袋戲，宣傳「反賄選」的政策，提醒民眾講，選舉毋通替人買票，嘛毋通收人的錢來賣票，閣有，若是檢舉人買票，嘛有獎金通好得。種種的用心，就是望欲顧全選賢與能的效果。




==臺中地檢署檢察長 陳宏達==
我請所有的選民
來檢舉賄選


離大選的時間若來若倚，台中地檢署檢察長陳宏達特別弄布袋戲，呼籲全民做伙反賄選，無欲講躼躼長的法條規定，真雲林閣掌中劇團嘛佇醒修宮頭前搬演布袋戲，著是欲用上在地的方式來宣傳選舉不買票、不賣票，大細漢攏來監督。



==醒修宮董事長 林鵬儀==
呼籲我們的選民 不能買票
也不能賣票
來端正善風氣
==台中地方檢察署檢察長 陳宏達==
檢舉賄選的獎金
總統的獎金 1500萬
立法委員的獎金
也可以領到1000萬的獎金


反賄選，顧民主，若是檢舉賄選，閣會使得獎金。根據法務部的統計，全台灣對97年到106年，檢舉賄選的獎金金額逐年攏發出超過2000萬，這10年總金額超過6億。檢察長陳宏達表示，反賄選毋但是民主法治觀念的落實，嘛會使講是社會改造工程的一部分。反賄選的觀念代代相傳，予臺灣的民主釘根佇每這个人个心肝底。

記者 綜合報導