世界野球12強複賽 臺灣隊2:3輸美國

今仔日世界12強野球賽的複賽，臺灣戰美國，雖然中站有贏對方1分，毋過，第7局的後半局，美國隊一擺趕2分過，終其尾咱是以2:3，戰輸美國。

世界12強野球賽的複賽，臺灣隊拍甲中站，猶閣有靠選手胡金龍搩一支1分的homerun，趕過美國1分。／抑毋過，美國隊拍甲第7局的下半局，選手Brent Rooker撼出一支2分的全壘打，翻頭共咱趕過。／目前臺灣隊佇咧複賽，贏1輸3。若欲爭取著東京奧運的入門票，今著愛向望較晏彼場比賽，墨西哥戰贏南韓囉。