障礙者.民團籲政府 修訂"身權法"保障權益

2023年發生一件長照悲劇，有一位長期照顧小兒麻痺的囝、照顧50外年的媽媽，煩惱家己年歲大矣、可能無法度閣繼續照顧真久，所以共囝翕死。有身障者講，看著這款新聞感覺真恐怖，也無希望這款的悲劇閣發生。

臺灣障礙青年理事 蔡承諺
面對教育系統社區支持的缺欠和斷去所有的責任攏轉到個人和家庭頂懸長照殺人的新聞事件當中阮感覺真驚惶後一个予人奪命的人是毋是就是阮遮的制度無法度支持阮這陣人的時障礙青年 障礙者敢就愛予人判死刑

身心障礙聯盟表示，in和一般人仝款，應該愛有尊嚴、有選擇權，無應該受著歧視佮差別對待，這是上基本的身障人權，in也要求政府愛修訂身心障礙者權益保障法，予in會當有閣較方便、友善的環境，也會當莫受著歧視。

台灣身心障礙者自立生活聯盟秘書長 林君潔
阮定定使用的臺鐵最近也毋知按怎申請無障礙服務定定記毋著時間抑是囥毋著所在各地佇新起的建物抑是公共設施也非常欠無障礙(設施)障礙者欲去看戲 運動猶原存在歧視佮阻礙閣較免講讀冊 就業抑是各種社會活動受著非常嚴重的排除

身心障礙者和民團表示，希望臺灣會當像日本、韓國遮的國家仝款，支持障礙者佇社區生活的權利、也有專法保障，也強調這毋是請求，是上基本的要求。

記者陳心彤 莊浚佑 臺北報導