新北圖書館辦台語認證課 培養志工用母語講古

披薩阿姊是新北市立圖書館的志工，放假就會佇圖書館講故事予囡仔聽，原底是以華語講古為主。這幾冬政府宣傳母語的重要性，披薩阿姊和其他的志工朋友，開始練習用台語來講故事。圖書館嘛觀察著，有當時仔志工的台語無夠正確，所以特別開臺灣台語認證課程，希望這寡志工攏會當通過台語認證考試。

長期關心台文箍仔的鄭順聰指出，原先的台文箍仔是母語家庭、教授老師、台文產業工作者等等的團體組成的。伊最近發現，有一个新的族群有機會加入台文箍仔，就是這陣用台語講古的志工，因為這寡人人數夠濟、語言意識嘛有夠，是目前台文箍仔應該愛去拓展的族群。

鄭順聰也共這陣台語講故的志工，號做「故事先生」。伊推算目前全臺灣，攏總有五千幾个「故事先生」，是台文箍仔未來應該積極接觸的對象。伊也建議政府會當佇公共場合，頒獎予這陣「故事先生」，予IN感覺家己做的代誌是有意義的，也較有氣力繼續推捒母語。