嘉義為提升本土語學習興趣 發展多元特色課程

嘉義縣有山也有海、為著欲提懸國小學生對學習本土語言的興趣,一寡學校開始有在地的特色課程,予母語會當佮生活結合。(此則新聞標題、導言、內文皆為臺語文。)

阮以前鄒族有一个神話傳說是,原住民的學生囡仔,配合學校的在地課程的規畫,來紹介生態環境。這當中嘛結合著原住民的母語學習。嘉義縣舉辦本士語言的成果發表,學校佮學生攏展現IN對本土語言的想法佮創意。

鰻,族語名是tungeoza,俗名是鱸鰻、花鰻。

學校除了準備會當體驗的語言教材,囡仔嘛配合母語來做各種成果分享,嘉義縣教育處表示,鼓勵學校按照學生意願來開本土語言課程,嘛透過比賽的方式,鼓勵參與的學生。
嘉義縣教育處長李美華表示:「透過咱年度的成果發表,毋但有動態的表演,或者是靜態的展覽,予阮囡仔知影講,咱有豐富的語言佮文化。」
嘉義縣秀林國小學生:「我會佮意耍布袋戲是因為,會當體會古早飛來飛去的布袋戲,真趣味。」
有學校表示,這馬本土語言的學習,佮過去的方法已經無仝,需要增加生活化的學習內容,予學習產生意義佮價值,才會當增加學生的使用佮溝通的能力。

相關新聞