結合科技佮聲樂「灣聲樂團」8月底欲辦音樂會

以弦樂團形式推廣臺灣音樂的「灣聲樂團」，八月底欲舉辦「臺瘋音樂會」。這改的演出風格，和往過推廣臺灣民謠的方式真無仝款，音樂會會結合影像、科技、聲樂、電音的方式，來吸引少年家。

灣聲樂團音樂總監暨指揮 李哲藝表示：「人聲參器樂的演奏，閣有交響樂團參流行音樂的相磕，這是阮這改音樂會上大的2个特色。」
另外，音樂會最後會同時向台灣有史以來，12个真出名的搖滾樂團致敬，用交響樂向搖滾樂致敬。

另外，音樂會也會透過科技的方式，予已經過身的歌手鄧麗君，用虛擬表演者的形式，佮歌手佇台頂互動，演奏現在少年人較生份的張雨生、鄧麗君的歌曲，來向in致敬。

鄧麗君文教基金會執行長 鄧永佳受訪時，有感而發表示：「可能以前捌看過(鄧麗君)演唱會的序大，阮感覺in真幸運，in攏有實際看過鄧麗君的演出，毋過我感覺這馬的虛擬人，是會當予咱這馬的人
閣一擺去感受當年，鄧麗君演唱的感動。」

灣聲樂團總監李哲藝則說：這改的音樂會突破往過臺灣交響樂的選曲模式，就是希望會當予愈濟少年朋友透過古典樂，認捌過往的臺灣經典流行歌曲。