臺北霞海城隍廟 招視障者踅迪化市仔過好年
發布時間：
更新時間：
今仔日臺北霞海城隍廟參民間團體合作，招視障者來迪化街踅市仔，嘛送一寡仔好食好用的物件，予視障者歡喜過好年。
小提琴伴奏，做伙唱新年歌。十六臺北霞海城隍廟的廟埕蓋鬧熱，廟方參民間團體招一陣視障者來遮，聽音樂、踅街仔，有食閣有掠。廟方管理人陳文文表示，這个活動逐年攏辦，到今已經20外年。
臺北霞海城隍廟管理人陳文文表示：「不管啥人攏愛過好年。」
一个志工手牽一个視障朋友，仝齊佇迪化街感受年節氣氛，這對視障者來講嘛是難得的享受。
視障者劉美礽表示：「視障者出門無方便，感謝有遮的志工陪同。」
視障者陳惠慈表示：「足歡喜的，食足飽的。」
街仔踅煞，城隍廟嘛佮大稻埕商家合作，送一袋好食好用的物仔予視障朋友紮轉去厝的，歡喜過好年。
陳玟芯/編輯
