臺鐵佮10間行動支付合作 予民眾買票愈利便

來台鐵拆票，這馬也通擴大到通使用其他9大行動支付，予買票民眾閣較利便

台鐵局長 杜微講：「對舊年3/25開始，咱已經有台灣PAY，使用到今，逐月使用行動支付的旅客超過一萬人次。這馬有10倍行動支付業者通入來，我相信規个效能會大幅提懸」

台鐵局長表示，進前只有一間行動支付，這馬有十間廠商，預計民眾買票意願也會提懸。另外民眾坐車的安全也著愛提升。有立委搤講，對1月至8月就發生五件身障者無細膩跋落去月台跤的意外。交通部長王國材表示會先請台鐵服務人員佇尖峰時段加強管理，長期按算會鬥月台門。

杜微講：「我想台鐵局會就幾个較濟人的車站，阮會加派人力，對軟硬體的提升，阮會佇一个月內提出阮的方案」

台鐵局表示，台鐵硬體設備無像高鐵、捷運，以台北站為例，愛先提懸月台懸度參列車底枋平懸度，才通進一步鬥月台門。