南投集集辦免費眼底篩檢 照顧長輩目睭健康
記者 綜合報導
發布時間：
更新時間：
目次
為著照顧長輩的目睭健康，南投的集集衛生所佮驗光師公會，特別去到八張社區，免費為序大做眼底篩檢，閣有善心企業贊助上新的機器，免先點檢查藥水就通檢查，減少看目睭時的無爽快，實在非常貼心。
若蹛佇偏鄉地界，身體各樣欲走一逝醫生館，是有影無遐利便。南投縣驗光師公會特別來到集集衛生所，欲為八張社區的長輩做免費的眼底篩檢，除了檢查目睭，看敢有退化、白內障、青光眼猶是其他疾病，閣免另外點檢查藥水，會當減少看目睭時的無爽快。
集集鎮八張社區執行長 鄧智全表示：「今天衛生所特地來社區，做一個眼睛的檢查，還有30秒心電圖的檢查，讓我們一些疾病能提早找出來，來提早預防、提早治療。」
集集鎮衛生所主任 劉春光表示：「他不用點散瞳劑，只要機器掃描一下，就可以看到眼底的一些異常，我想這是一個非常方便而且有益於大家的活動。」
大部份的長輩，因為攏無檢查目睭的習慣，定定攏是等到已經看袂清矣，才想著欲檢查。自按呢驗光師工會才特別辦免費眼底篩檢，社區的長輩攏感覺真貼心。
社區長輩表示：「感覺誠好，對阮遮的老人、百姓攏誠好，免錢的予阮檢查身體，無著愛予人載去別鄉鎮，因為阮集集小所在較無好檢查啊！」
因為有善心企業贊助遮的檢查機器，替遮的社區序大檢查目睭，免閣盤車走去大都市掛號等醫生，就會當提早發現病症、提早治療，為長輩的目睭健康來把關。
2022杭州亞運 台灣百金之路
