臺灣燈會佇高雄 11團體演歌仔戲音樂劇"船愛"

2022臺灣燈會在高雄,主燈大戲「船愛」,對2/18暗時開始連紲3工、佇衛武營戶外劇場演出,邀請臺灣11个表演團隊做伙演出,是一齣歌仔戲音樂劇,做伙來看覓。

舞台頂,唐美雲、許秀年等等攏是傳統戲曲大師級的演員,逐家做伙演出,台跤的觀眾真驚喜。

這齣〈船愛〉是今年台灣燈會主燈的大戲,規个戶外舞台有大型投影佮燈光效果,融合胡撇仔歌仔戲、搖滾佮原民古調,用台語、華語、客語、原住民族等等語言,講這四百年來,佇台灣這塊土地,船佮愛閣有勇氣的五段故事。

船愛導演李小平:「袂感覺我看著顯目感官,就袂記得故事。伊是仝一件代誌,包括所有燈光效果、音響的豐沛,攏會綴阮這擺邀請的十一个團、二十四个名家同台競爭的這个舞台。」

這擺演出邀請11个表演團隊,毋但陣容堅強,前台後台動用六百外人,嘛創下紀錄,船愛18暗時起連紲三工佇衛武營,予民眾無仝款的觀賞體驗。

全台敬老金大調查

相關新聞