新竹縣司馬庫斯等3景點 繼續封到7/26

濟濟民眾攏咧等小可解封了後,會當去山頂的步道佮遊樂區,毋過新竹縣尖石、佮五峰鄉公所表示,為著防疫,司馬庫斯等等的3个景點,猶是會封到7/26。

自5月進入三級警戒,尖石以及五峰鄉就佇出入口,設有管制點,一般遊客攏袂使上山,雖然中央宣布13開始,開放部分措施,毋過尖石佮五峰決定,鄉內的觀光景點仝款無對外開放。

小吃店業者講,「當然是愛零確診兩至三禮拜以上才開放較好。」
尖石餐廳業者講,「替居民想當然阮無反對,毋過敢有替阮做生理的考量一下。」

另外露營區部份,嘛鼓勵業者歇睏;若是業者欲恢復營業,人流管制等等防疫措施一定愛遵守。

新竹縣尖石鄉長曾國大表示,「雖然逐家攏想欲趁錢,猶毋過阮做出的決定,阮認為人民的性命安全一定比所有的決策佮權利閣較懸,部落較濟人嘛是支持,繼續三級警戒的措施。」

三級警戒漸漸放冗,已經歇睏欲2個月無營業的業者,早就攢好咧等,猶毋過公所嘛是提醒,一定愛做好防疫相關的規定。

全台敬老金大調查

相關新聞